लिग–२ अन्तर्गत युट्य्रक्ट सहरमा बिहीबार त्रिकोणात्मक शृंखलाको दोस्रो खेलमा पनि खराब ब्याटिङलाई निरन्तरता दिएपछि नेपाल घरेलु टोलीसँग ६ विकेटले पराजित भयो । शृंखलाको पहिलो खेलमा नेपाल नामिबियासँग आठ विकेटले पराजित भएको थियो । नेपालले एक सय ५८ रनको लक्ष्य दिएको थियो । जुन डच टोलीले ४४.१ ओभरमा मात्र चार विकेटको क्षतिमा भेट्टयो ।
लगातार हारपछि लिग–२ मा नेपालको शीर्ष चार दौड कमजोर बन्दै गएको छ । शीर्ष चारकै दौडमा रहेको नामिबिया र डच टोलीसँग हारपछि नेपालमाथि थप दबाब बढेको छ । लिग–२ को (२०२३/०२४–२०२७) साइकलमा नेपालको यो १७औं हार हो । कुल आठ राष्ट्र सहभागी लिग–२ को अंकतालिकामा शीर्ष चार टोलीले एकदिवसीय विश्वकप छनोटमा स्थान बनाउनेछन् ।
लगातार कमजोर प्रदर्शन गरेपछि शीर्ष चारका टोलीसँग नेपालको अंकदूरी पनि बढेको छ । साथै नेपालभन्दा तल रहेका टोलीले पनि नेपालाई चुनौती दिँदै छन् । सहभागी सबै आठ राष्ट्रले कुल ३६ खेल खेल्नेछन् । नेपालले अब ६ खेल खेल्न बाँकी छ । यी सबै खेलमा जित निकाल्दा पनि नेपालको सम्भावना कमजोर बन्न सक्छ । किनकि सातौं स्थानको क्यानडाको २८ खेलबाट नेपालसँगै समान २४ अंकमा छ ।
३० खेल खेलिसकेको नेपाल पाँचौं स्थानमा छ । समान ३२ खेलबाट अमेरिका ४३ अंक र स्कटल्यान्ड ३८ अंकसहित शीर्ष दुई स्थानमा छन् । यी दुईसँगै तेस्रो स्थानको नेदरल्यान्ड्स र चौथो स्थानको ओमानसँग पनि नेपालको अंकदूरी बढेको छ । समान २९ खेलबाट नेदरल्यान्ड्सको ३४ अंक र २८ खेलबाट ओमानको ३१ अंक छ । त्यसैले यी हारले नेपाल बाँकी खेल जित्नैपर्ने दबाबमा परेको छ ।
लगातार हारपछि लिग–२ मा नेपालको शीर्ष चार दौड कमजोर बन्दै गएको छ । लिग–२ को (२०२३/०२४–२०२७) साइकलमा नेपालको यो १७औं हार हो । कुल आठ राष्ट्र सहभागी लिग–२ को अंकतालिकामा शीर्ष चार टोलीले एकदिवसीय विश्वकप छनोटमा स्थान बनाउनेछन् ।